Arratia 20-vjeçare e Mihallaq Borakut ka marrë fund këtë të martë. Autoritetet italiane e kanë vënë në pranga 49-vjeçarin në Napoli pasi ishte shpallur në kërkim.
Sipas mediave të huaja, ai kishte marrë dy dënime të ndryshme për trafik droge nga gjykatat në Cuneo dhe Siena. Pas arrestimit, ai është dërguar në burg në Secondigliano për të vuajtur një dënim përfundimtar në 8 vjet dhe 4 muaj.
Mihallaq Boraku kishte ndërtuar një rrjet të trafikut të drogës nga Shqipëria, të cilin e transportonte më pas në Piemonte. Ai u ndalua në vitin 1998 pas një operacioni policor, ku u sekuestruan 200 kg marijuanë.
