Një konflikt i dhunshëm ka ndodhur ditën e djeshme në Ksamil, ku një 46-vjeçar është goditur me sende të forta pranë një plazhi publik. Policia e Sarandës ka arrestuar tre shtetas dhe ka proceduar penalisht dy të tjerë në lidhje me ngjarjen.
Të arrestuarit janë:
- Agim Taraj, 43 vjeç, banues në Berat,
- Silvjan Sulku., 18 vjeç, nga Dibra,
- Aldo Zeqira, 35 vjeç, nga Durrësi.
Gjithashtu, është proceduar në gjendje të lirë për shkak të moshës një 17-vjeçar nga Kamza, për përfshirje në dhunë.
Sipas hetimeve, këta persona në bashkëpunim kanë sulmuar fizikisht A. P., 46 vjeç, banues në Tiranë, duke i shkaktuar dëmtime trupore. Shkak i konfliktit dyshohet të kenë qenë motive të dobëta.
Ndërkohë, është proceduar penalisht edhe O. P., 40 vjeçe, bashkëshortja e 46-vjeçarit të dhunuar. Pas përplasjes, ajo ka shkaktuar dëme materiale në ambientet e një “beach bar”-i në pronësi të njërit prej të arrestuarve, konkretisht A. T., duke dëmtuar pajisje dhe sende të tjera.
Materialet procedurale janë referuar në Prokurorinë pranë Gjykatës së Shkallës së Parë të Juridiksionit të Përgjithshëm Sarandë, ku pritet që të kryhen veprimet e mëtejshme ligjore.
/vizionplus.tv
