Dy vëllezër (Emiljano dhe Elton Domi) janë shpallur në kërkim nga Policia e Durrësit, pasi dyshohet se qëlluan me armë zjarri drejt një automjeti, pas një konflikti të çastit për motive të dobëta.
Ngjarja ndodhi rreth orës 01:00 të datës 3 gusht 2025, në autostradën “Durrës-Tiranë”, ku u qëllua në drejtim të makinës me të cilën po udhëtonte shtetasi L. Sh., 35 vjeç. Ai mbeti i plagosur, por fatmirësisht ndodhet jashtë rrezikut për jetën.
Sipas hetimeve paraprake, konflikti ka nisur për shkak të një parakalimi në rrugë, që më pas ka degjeneruar në të shtëna me armë. Dy të dyshuarit, shtetasit E. D., 46 vjeç dhe E. D., 40 vjeç, banues në fshatin Xhafzotaj, janë shpallur në kërkim dhe po punohet intensivisht për kapjen e tyre.
Materialet procedurale i janë referuar Prokurorisë së Durrësit për veprime të mëtejshme.
/vizionplus.tv
