Me kërkesë të Prokurorisë Tiranë janë konfiskuar shtatë vila dhe janë shpallur fajtorë 9 persona, të cilët akuzohen për ‘Ndërtim të paligjshëm’ dhe ‘Falsifikim të dokumenteve’.
Sipas njoftimit të Prokurorisë, pas hetimeve dhe marrjes në pyetje të personave, këqyrjes dhe sekuestrimeve pranë institucioneve si dhe kryerjes së ekspertimeve teknike, u konkludua në zonën e Mulletit, në ekonominë pyjore 1/a dhe 2/a, janë ndërtuar 7 objekte (vila), formalisht të pajisura me leje rindërtimi.
Por, nga hetimet rezultoi se dokumetacioni tekniko ligjor i përdorur pasqyronte të dhëna të rrëme, si dhe duke cenuar fondin pyjor, në juridiksion të Bashkisë Tiranë.
Në këto kushte, nga ana e prokurorisë u çmua, se ka prova për të proceduar me marjen si të pandehur dhe shpalljen fajtorë, për veprat penale shtetasit si më poshtë:
- Armand Prelezi, akitekt, akuzuar për veprën penale “Falsifikim i dokumentave”;
- Klevis Bregu, arkitekt, akuzuar për veprën penale “Falsifikim i dokumentave”;
- Manush Teqja, akuzuar për veprën penale “Ndërtim i paligjshëm” dhe “Falsifikim i dokumentave”;
- Florian Zela, i akuzuar për veprën penale “Ndërtim i paligjshëm” dhe “Falsifikim i dokumentave”;
- Abaz Teqja, akuzuar për veprën penale “Ndërtim i paligjshëm” dhe “Falsifikim i dokumentave”;
- Mehmet Durishti, akuzuar për veprën penale “Ndërtim i paligjshëm” dhe “Falsifikim i dokumentave”;
- Tefta Visha, akuzuar për veprën penale “Ndërtim i paligjshëm” dhe “Falsifikim i dokumentave”;
- Dorina Dushku, akuzuar për veprën penale “Ndërtim i paligjshëm”; dhe
- Arblin Harizi, akuzuar për veprën penale “Ndërtim i paligjshëm” dhe “Falsifikim i dokumentave”
Në përfundim të gjykimit, u vendos dënimi i të pandehurve dhe konfiskimi i 7 vilave të ndërtuara pa leje në ekonomi pyjore nëpërmjet dokumeteve të falsfikuara.
Hetimet vijojnë në drejtim të veprimeve dhe mosverimeve të enteve publike si dhe bashkpunëtorëve të mundshëm, për veprat penale të “Falsifikimi i dokumentave” dhe “Shpërdorimi i detyres”./vizionplus.tv
