Emrat e shqiptarëve “mbretër” të kokainës në Greqi

Zbardhen emrat e shqiptarëve të arrestuar për trafik droge në Greqi. Sipas policisë greke, Aleksandër Pemaj, Sandër Pema, Arbër Përdeda, Ergon Tusi, Erlin Zotaj, Lek Doda dhe Maksim

Preçi janë shqiptarët e rënë në pranga gjatë operacionit të kryer mëngjesin e kësaj të shtune. Po ashtu, mësohet se kryetari i bandës ishte Aleksandër Pemaj, i cili ka qenë edhe më herët i dënuar nga drejtësia për krime të rënda.

Ata u arrestuan në Astakos në Mesologji të Greqisë, teksa po sistemonin drogën në banesë. Autoritetet greke thonë se hetimet për këtë bandë ishin nisur që prej 6 muajsh, ndërsa kanë paralajmëruar edhe arrestime të tjera. Gjatë operacionit u sekuestrua 1.2 kokainë e pastër, 231.000 euro, 3 pistoleta,1 kallashnikov, 5 autovetura dhe 19 celularë.