Operacioni Forca e Ligjit ka shkuar këtë të premte në Vlorë, Elbasan dhe Sarandë, ku iu ka dërguar formularin e vetëdeklarimit për burimin e pasurisë.
Psurinë duhet ta justifikojnë për 48 orë Klaudjos Dervishi, Myftar Dervishi dhe Zamira Gjongeci, të dënuar apo akuzuar për krime të rënda apo të organizuara.
Klaudjos Dervishi, banues në Sarandë, i dënuar nga Gjykata e Shkallës së Parë për Krimet e Rënda, për veprën penale “Vjedhja e mbetur në tentativë, në kuadër të gupit të strukturuar kriminal”;
Myftar Dervishi, banues në Vlorë, i cili ka lidhje familjare me Klaudjon, e si rrjedhojë është subjekt i nenit 16 të Aktit Normativ Nr.1, datë 31.01.2020;
Zamira Gjongeci, banuese në Elbasan, e dënuar nga Gjykata e Shkallës së Parë për Krimet e Rënda, për veprën penale “Prodhimi dhe shitja e narkotikëve, e kryer në bashkëpunim”.
Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.
