Një konflikt mes të afërmish në Fier përfundoi me shoqërimin në polici të një babai dhe të birit. Miri Sulaj, 44 vjeç, pas një sherri mbrëmjen e djeshme, ka qëlluar kushëririn e tij, Eduard Sulaj, gjithashtu 44 vjeç. Në përleshje u përfshi edhe djali 17-vjeçar i autorit.
Pas sherrit, babë e bir u larguan nga vendi i ngjarjes, por u arrestuan më pas nga forcat “Shqiponja”. Eduard Sulaj u dërgua në spital dhe fatmirësisht ndodhet jashtë rrezikut për jetën.
Njoftimi i policisë:
Në vijim të informacionit të dhënë mbi ngjarjen e ndodhur mbrëmjen e djeshme në fshatin Cakran, ku dy shtetas, babë e bir, goditën me sende të forta kushëririn e tyre, specialistët e Seksionit për Hetimin e Krimeve Kundër Personit arrestuan në flagrancë shtetasin M. S., 37 vjeç dhe djalin e tij 17 vjeç, për veprat penale “Plagosje e rëndë me dashje” dhe “Dhuna në familje”.
/vizionplus.tv
