Emiljano Shullazi ka braktisur këtë të hënë qelinë e tij ku po vuan dënimin, për t’iu nënshtruar vizitave shëndetësore në QSUT, pasi ka rezultuar pozitiv me COVID-19.
Vizion Plus bën me dije se Shullazi është dërguar në urgjencën e Infektivit, në masa te rrepta sigurie.
Prej disa muajsh, ai është i izoluar në regjimin “41 bis”. Ndërkohë para pak ditësh, në QSUT është shtruar edhe Dritan Dajti, gjithashtu i infektuar me Covid-19.
Dritan Dajti është i dënuar për vrasjen e 4 oficerëve të policisë, ngjarje kjo e vitit 2009.
