Ministria e Drejtësisë njoftoi se pas lirimit nga detyra të Drejtorit të Përgjithshëm të Burgjeve, Artur Zoto në vendin e tij është emëruar Miklovan Kopani. Përmes një njoftimi për shtyp ministri i drejtësisë shpreh bindjen se Kopani do të vijojë drejtimin e suksesshëm të këtij institucioni. Dorëheqja e Zotos erdhi katër ditë pas arrestimit të zëvendësdrejtorit të përgjithshëm të burgjeve, Iljaz Labi dhe 4 administratorëve të kompanive private, të akuzuar për korrupsion gjatë procedurave të prokurimit publik për blerje ushqimesh për burgjet në Shqipëri.