Ditëlindja e 31-të e artistes Elvana Gjata do të ishte një festë sa për miqtë e ngushtë edhe për publikun e gjerë!
Këngëtarja vendosi të organizonte një koncert përballë një publiku prej 100 personash e më pas këtë të fundit do e transmetonte pjesë pjesë në rrjetet e saj sociale dhe platformat e ndryshme online.
E në ditëlindjen e 32-të Elvana bëhet nostalgjike për atë kohë e riposton në Instagram një video-kolazh tek këndon disa prej këngëve të albumit “3”, të cilat u pëlqye pa masë dhe mbeten gjatë në kujtesën tonë.
“Si sot një vit më parë. Gëzuar ditëlindjen “3”! Faleminderit Pirro për muzikën që më dhurove e që nuk të shteron kurrë! Faleminderit Darko për punën e shkëlqyer në këtë projekt!”- shkruan krah videos Elvana Gjata.
Po ashtu në Instastory-in e saj, Gjata ka publikuar disa video, prapaskenat e krijimit të këngëve, ku shfaqet së bashku me kantautorin e njohur Pirron, me të cilin bashkëpunoi për të sjellë këtë album.
Vetëm pak ditë më parë këngëtarja u kthye pas shumë kohe mungesë në rrjetet sociale duke treguar se periudha pas ngjarjes në ish-Bllok kishte qenë një nga më të vështirat për të.
Megjithatë miqtë e saj të ngushtë, kolgetët e fansat iu gjendën pranë duke i dhënë të gjithë mbështetjen./ TRING
