Frika e përhapjes së COVID-19, ka bërë që shumë prindër në Elbasan të kujdesen dhe të mjekojnë në shtëpi fëmijët që janë prekur nga virozat e stinës, duke anashkaluar kështu shërbimin spitalor.
Mjekët pediatër shprehen se numri i fëmijëve të prekur nga virozat janë shumë herë më pak se vitin e kaluar. Sipas tyre, në këtë qark nga fillimi i pandemisë janë shënuar 40 fëmijë pozitiv me COVID-19.
Dyshohet se numri i fëmijëve të prekur nga COVID-19 në Elbasan të jetë më i madh. Në këto kushte mjekja apelon që të zbatohen protokollet e higjienës dhe të mos neglizhohen shenjat e para të virusit si kolla, temperatura, dhimbjet e trupit etj.