Një detaj i ri ka dalë në dritë një ditë pas atentatit në Elbasan, ku mbeti i vrarë biznesmeni Mondi Mëhalla.
Makina që u gjet e djegur ditën e sotme në afërsi të fshatit Mirakë, e cila dyshohet se është përdorur nga autorët për t’u larguar nga vendngjarje ka qenë në pronësi të kompanisë së biznesmenit.
Lidhur me ngjarjen policia ka shoqëruar disa persona të cilët mund të japin më shumë detaje se si ndodhi krimi i rëndë.
Mes tyre janë pëunonjësit e karburantit të cilët ishin në turn në momentin e ngjarjes, si dhe dy shoferë taksish.
Policia dyshon se kanë qenë dy autorë, të dy vrasës me pagesë.
43-vjeçari u qëllua sapo kishte dalë nga zyra në karburantin “Xhaxhi Oil” në pronësi të tij dhe sapo ishte futur në automjetin e tij “Range Rover”.
Autorët e kanë qëlluar disa herë me pistoletë, ndërsa dy prej plumbave e prekën në kokë.
Mondi Mëhalla ose Edmond Hyka, përveçse pronar i karburantit “Xhaxhi Oil” në dalje të Elbasanit, ka në pronësi edhe një shërbimi taksi “El Taxi” si dhe një lokal.
Mëhalla ishte në gjyq për armëmbajtje pa leje, posedim sendesh të jashtligjshme dhe shpërndarje narkotikësh.
43-vjeçari jetonte në zonën Komuna e Parisit në Tiranë, por lëvizste shpesh herë në Elbasan për shkak të aktivitetit ekonomik atje.
Policia ndërkohë ka marrë edhe të gjitha pamjet e kamerave të sisgurisë së karburantit, bizneseve në zonë dhe ato përgjatë aksit Elbasan-Librazhd për të rënë në gjurmë të autorëve sa më parë.
