Me fillimin e fushatës zgjedhore, Shtetet e Bashkuara të Amerikës kanë nisur trajnimin për gjyqtarët dhe prokurorët e SPAK që do të luftojnë krimet zgjedhore.
Kanë qenë këshilltari i lartë i OPDAT kundër korrupsionit ndërkombëtar Constantine Soupious dhe drejtori i Degës së Krimeve Zgjedhore të Sektorit të Integritetit Publik të Divizionit Penal, Richard Pilger nga Departamenti i Drejtësisë, ata të cilët diskutuan me prokurorët dhe gjyqtarët llojet e krimeve zgjedhore.
Ky trajnim erdhi në një moment shumë të rëndësishëm pasi kjo është hera e parë që korrupsioni aktiv dhe pasiv në zgjedhje do të jenë nën juridiksionin e SPAK-ut.
