Shqiperia ka zyrtarisht trajnerin e saj të ri. Sikurse ishte paralajmeruar, italiani Edi Reja zbriti në Rinas pas pak mesditës dhe pa humbur kohë ka dalëpërpara mediave së bashku me presidentin e FSHF Duka, për të dhënë komentet e para si tekniku i ri i kuqezinjve. 73 vjecari firmosi njw kontratw 6 mujore deri nw fund tw eleminatoreve. Ai e nisi aventuren e re, në atë që ishte një nga pikat më te kritikuara të paraardhësit te tij Panucci, marrëdhënia më median duke e konsideruar një aspekt qe e ka pikë të dobët. Pastaj drejt e në temë tek kontrata dhe objektivi me kuqezinjte…
“Kontrata ime është deri në nëntor dhe më pas do të shohim dhe nga kushtet. Unë firmos zakonisht kontrata njëvjeçare, sepse janë rezultatin që vendosin. Kisha mundësi të punoja në Itali, por kisha dëshirë të drejtoja një kombëtare dhe ja ku erdhi rasti të drejtoj Shqipërinë. Dua të përshëndes Panuçin për punën që ka bërë, më vjen keq që u largua. Duka më telefonoi pas shkarkimit të Panuçit dhe jam krenar për këtë ofertë. Mendoj se Shqipëria ka potencial për te bëre mirë. Kemi një objektiv të qartë, të shkojmë në Europian dhe të bëjmë figurë të mirë.
Më tej një koment edhe për filozofinë e lojës që ai parapëlqen dhe mënyrën sesi mund ta vendosë skuadrën në fushë..
“Kam parë skuadrën që luan me 4 pas, pasi jep më shumë garanci. Unë gjithnjë luaj me tre në qendër, por duhet parë mënyra e lojës. Nuk dua të ndryshojë shumë filozofinë e kësaj skuadre dhe asaj që kishte bërë De Biazi. E rëndësishme është që skuadra duhet të punoj.”
Në ditën e prezantimit, i zoti i shtëpisë, Armando Duka I la më shumë hapësira mikut të ri të shqiptarëve, por një argument se përse zgjodhi një trajner ekspert dhe objektivat që duhet të arrihen, kreu I FSHF nuk mund të mos e jepte…
“Mendoj se kemi bërë më të mirën. Pasi të përfundoj do të shohim nëse kemi bërë mirë apo keq. Duhet të kemi performancë më të mirë dhe pse jo pjesëmarrje në Europian.Një trajner me eksperiencë, besoj se do të japi atë që ka nevojë ekipi ynë. Kemi lojtarë cilësorë. Kanë nevojë për një ekspertizë, për një motiv dhe besoj se Reja i ka cilësitë për ta bërë këtë. “
Ish trajneri I Lacio, Atalanta, Napoli etj u përpoq të zbusë gjakrat me lojtarë si Strakosha e Lenjani të penalizuar nga Panucci duke shtuar se ka vendosur të kalojë më shumë kohë në Shqipëri në këtë eksperiencë të re. Javën e ardhshëm do të zyrtarizohen edhe anëtarët e tjerë të stafit. Pas humbjes në sfiden e parë të eleminatoreve kundër Turqisë, Edi Reja pritet të debutojë në stolin kuqezi kundër Islandës në 8 qershor në transfertë.
