Kryetarja e LSI-së Monika Kryemadhi është ndalur këtë të shtunë në Fier, ku ka zhvilluar një takim me strukturat atje.
Gjatë fjalës së saj, Kryemadhi bën fajtor Ramën për gjendjen në të cilën ndodhet vendi, duke e quajtur një “vrasës të punësimit”, ndërsa shprehet se i jep të drejtë të rinjve që emigrojnë në masë dhe fajësojnë qeverinë.
Ndër të tjera, Monika Kryemadhi bën fajtore edhe opozitën, pasi është treguar indiferente dhe nuk i ka ushtruar mjaftueshëm presion kryeministrit për premtimet gjatë fushatave zgjedhore.
“Prej kohësh Shqipëria nuk shihet si shtëpi. Fieri e ndien më shumë se kurrë mungesën e të rinjve, biznesit, investimeve. Ndjen më shumë se kurrë taksat e larta, çmimet e larta që vijnë si rezultat i mosfunksionimit të ekonomisë jo vetëm në Fier. Ndien mungesën e shtetit dhe arroancën e administratës. Ndien mungesën e ilaçeve por edhe riskun nga injoranca ndaj të rinjve por edhe abuzivitetit në shkolla. Ju e patë se si një mësues donte të abuzonte me një nxënëse. E shihni se si rriten faturat e energjisë elektrike, ujit dhe ato të Bashkisë. Shihni si rriten faturat e kopshtit apo shkollave. Kjo ka sjellë që shqitparët të largohen. Të ndihen të rrezikuar por edhe të varfër. Bashkë me taksat e larta, çmimet e larta, por edhe mungesa e shërbimeve shqiptarëve i shtohen edhe malli për fëmijët. Vetëm vitin e kaluar emigrimi u rrit me 22 %. Diplomohen, shkollohen dhe largohen më pas pasi nuk kanë mundësi punësimi këtu. Ne kemi faj, pasi nuk ja kemi kujtuar Ramës 300 mijë vendet e punës. Ai jo vetëm që nuk hapi aq, por mbylli vende pune, biznese, dhe la në rrguë familje duke rritur madje edhe kostot, çmimet edhe taksat. Rama rriti 2- fish faturën e energjisë elektrike. Faturën e TVSH-së e çoi 20% dhe rriti edhe çmimin e energjisë elektrike. Kemi sjellë sot që populli dhe shqiptarët të ndihen inferior ndaj tij, Edi Ramës që është vetëm një vrasës i punësimit”, tha Kryemadhi.
