Eksperti i ekonomisë, Zef Preçi, duke marrë shkas nga koncesionet e inceneratorëve, ngriti shqetësimin në emsionin E-ZONE se këto praktikat e investimeve me PPP, në rastin më të mirë janë një keqmenaxhim i fondeve publike dhe në rastin më të keq tregojnë se shteti është i kapur.
“Ne po ecim në tokë të pashkelur dhe vendimmarrja e qeverisë po cenon rëndë interesat publike, për të mos thënë që po krijon situata që komponentë të ndryshëm të deformojnë destinacionin e taksave, por edhe eksponentë të qeverisë të bien viktima të vendimmarrjeve, më e pakta të gabuara, më e shumta korruptive”, u shpreh Preçi
