Një shqiptare në Itali është vërë pre e dhunës seksuale të persë personave të cilët janë vënë në pranga.
Ngjarja ka ndodhur në zonën urbane të Corigliano në Corigliano Rossano në provincën e Cosenzas në Calabri.
Sipas mediave italiane dhuna skandaloze ndaj shqiptares vijonte prej dhjetë vjetësh, e cila gjithashtu ishte e detyruar që të punonte si prostitutë. Viktima kishte pasur një lidhje jashtëmartesore me një prej të arrestuarve, i cili më pas do ta përdhunonte atë së bashku me meshkuj të tjerë duke ushtruar edhe dhunë fizike.
Në disa raste ajo u detyrua të merrte mjekim në një spital në Romë dhe për t’u justifikuar me familjen, që nuk kishin dijeni për asgjë, thoshte se kishte një sëmundje të paspecifikuar që i shkaktonte shenja të dukshme në trup.
Ndërkohë që gruaja kishte heshtur gjithmonë nga frika se mund t’i ndodhte diçka burrit të saj dhe djalit që kur filloi kalvari i vuajtjeve ishte 5 vjeç. Dhunuesit e saj e kishin detyruar të heshtte duke kërcënuar të afërmit e saj me vdekje, të cilët nuk kanë ditur asgjë për vite me radhë.
Gjithashtu gjatë kontrolleve në shtëpitë e të dyshuarve, hetuesit gjetën 480 gram marijuanë, një peshore precize dhe një serë për kultivimin e marijuanës, si dhe mjete seksuale.
Një hetim i shpejtë që zgjati shtatë ditë nga momenti i raportimit të viktimës. Një denoncim që nxori në dritë një skenar të frikshëm. “E gjitha filloi me një aferë jashtëmartesore – thotë Cataldo Pignataro, drejtues i stacionit policor Corigliano Rossano – mes gruas shqiptare dhe një burri, i cili me kalimin e kohës është kthyer në një makth të vërtetë”.
Hetimet u koordinuan nga kryeprokurori i Castrovillari, Eugenio Façiolla dhe zëvendësprokurori Mauron Gallone të cilët gjithashtu çuan në zbulimin, falë historisë së gruas, edhe të një plantacioni marijuane.