Një tjetër ngjarje e rëndë është shënuar në Itali, ku protagonistë janë sërish shqiptarët. Ngjarja e rëndë është shënuar në Pavia të Italisë.
Një 42-vjeçare shqiptare ka plagosur me thikë fqinjet e saj nënë dhe bijë, të cilat tashmë ndodhen në spital në gjendje kritike për jetën.
Mediat italiane raportojnë se 42-vjeçarja ka shkuar në shtëpinë e fqinjëve të saj mbrëmjen e së mëkurës, rreth orës 18:00. Ajo ka gjetur në shtëpi një të moshuar 90 vjeçare dhe vajzën e saj, 62-vjeçare.
Sipas mediave italiane shqiptarja ka nxjerrë një thikë kuzhine dhe ka goditur disa herë nënë e bijë, në pjesët e sipërme të trupit.
42-vjeçarja shqiptare është vënë në pranga nga policia, ndërsa është gjetur në një oborr të brendshëm të shtëpisë, ende me thikën në dorë.
Mësohet se nënë e bijë ndodhen në gjendje kritike për jetën, në spital.
