Këngëtari i njohur shqiptar, Shpat Kasapi, është ndarë nga jeta, duke lënë pas një boshllëk të madh për familjen, miqtë dhe adhuruesit e tij. Lajmin e trishtë e ka shoqëruar edhe reagimi i bashkëshortes së tij, Selvije Kasapi, e cila ka ndarë një mesazh të thellë emocional në rrjetet sociale.
E prekur thellë nga humbja, ajo thekson se Shpati nuk arriti ta dëgjonte kurrë djalin ta thërriste “babi”, duke shprehur dhimbjen e madhe që ai u largua në një kohë kur Roeli kishte më së shumti nevojë për të.
Lexo edhe :
Related Posts
“Ndërrove jetë në krahët e mi o jetë…Sa të lumtur ishim që më në fund Roelit po i bëheshin dokumentet në Itali, që të mund ta çonim sa më shpejt tek logopedët më të mirë. Aa jemi lodhur, sa jemi stresuar…dhe askush nuk e di,” shkruan ajo. “Sa të afërt kemi qenë, sa bashkëpunues në privatësinë tonë, duke shijuar rritjen dhe zhvillimin e Roelit. Nuk prite ta dëgjoje duke të thirrur ‘babi’…nuk prite, Shpat. Nxitove dhe na le këtu vetëm, pa ty”, shkruan Selvija.
Në vijim, shton:
“E le Roelin jetim, o Shpat…Në kohën kur më së shumti kishte nevojë për ty. Në kohën kur duart e tua i duheshin më shumë se kurrë. Si t’ia shpjegoj Roelit që babi nuk është më? Më thoje gjithmonë se do të më doje derisa vdekja të na ndante…por pse u ndave nga jeta në krahët e mi, pse ma këpute zemrën kështu, o jetë? Inshallah takohemi në Xhenet…Allahu të deshi pranë vetes, por unë mezi pres të zgjohem nga gjumi dhe të jesh këtu për ne.”
/vizionplus.tv
/vizionplus.tv
