Dy javë nga nisja e inkursionit ukrainas në territorin rus, presidenti Volodymyr Zelensky ka folur mbi situatën.
Në një video konferencë ai është shprehur se ushtria e tij po i përmbush të gjitha objektivat në rajonin e Kursk.
“Ne jemi duke arritur qëllimet tona. Sot në mëngjes kemi një tjetër rimbushje të fondit të këmbimit të robërve të luftës për vendin tonë”, tha Zelensky.
Forcat ukrainase kanë shënuar një tjetër fitore këtë të hënë duke goditur dhe dëmtuar urën e tretë mbi lumin Seym në rajonin Kursk të Rusisë. Goditja mund të komplikojë seriozisht logjistikën ushtarake ruse ndërsa Moska përpiqet të shmangë inkursionin e Ukrainës në rajon.
Dëmtimi i urës është konfirmuar edhe nga Rusia përmes një komunikate të lëshuar prej një anëtari të Komitetit Hetues. Analistët besojnë se shkatërrimi i urave mbi Sejm është taktikë shumë e rëndësishme për të forcuar pozicionet dhe për t’ia pamundësuar Moskës furnizimin e trupave të veta ushtarake.
Ky është inkursioni më i mad hi Ukrainës në Rusi që prej nisjes së luftës dhe ka për qëllim uljen e potencalit rus për të shtyrë edhe më tej në territorin Ukrainas. /vizionplus.tv
