Ana Subashi dhe Jorgjeta Lalazi kanë ndarë fëmijërinë bashkë derisa jeta e tyre mori drejtime të ndryshme e për rrjedhojë ato humbën kontaktet me njëra-tjetrën. Prej 40 vitesh ato nuk u ndalën së kërkuari njëra-tjetrën pa e ditur se rastësia do t’i bënte sërish bashkë atëherë kur nuk e prisnin. Të dyja konkurrente në talent shoë-n “Gjeniu i Madh” Jorgjeta dhe Ana janë takuar në prapaskenë dhe ka mjaftuar një shikim që ato të dallonin shoqen e fëmijërisë që as shumë e kishin kërkuar.
Të ftuara në emisionin “Vizioni I Pasdites” ato rrëfyen mes emocioneve ritakimin pas kaq shumë vitesh dhe përpjekjet për të rënë në gjurmë të njëra-tjetrës.
“Na lotuan syte kur u takuam , jemi ndare qe ne klase te 8 . Ana shkoi ne tirane dhe une vazhdova jeten time në Korcë”, u shpreh mes lotësh Jorgjeta.
Ana tregon se ai moment ka qenë shumë emocionues për të dyja Zonjat dhe se e ka njohur Jorgjetën nga portreti i saj, të cilin e mbante mend që fëmijë.
“Vendosa te shkoja nëpër emisone për njerez te humbur por nuk e gjeta . Kur erdha per te konkuruar per emisionin e Gjeniut te madh dhe kur vajta per të bërë proven pashë Jorgjeten . Kjo nuk me njohu se ska faj sigurisht kaq shume vite. Atje u përqafuam, qamë me njëra tjetrën , ishte një surprizë shumë e bukur”, u shpreh Ana.
Dy mikeshat që rigjetën njëra-tjetrën pas 40 vitesh, vijojnë konkurimin në spektaklin “Gjeniu i Madh” duke rikthyer edhe njëherë kujtimet e fëmijërisë kur ndanin skenën bashkë në festivalet e këngëve për fëmijë.
