Zv.Presidenti i FSHF, Edvin Libohova ishte I ftuar në emisionin “Kampionet” në Vizion Plus ku iu përgjigj një sërë pyetjesh dhe shqetësimesh të ngritura nga opinioni sportiv gjatë ditëve të fundit. Në mënyrë të veçante fokusi ishte tek e drejta televizive e superiores, teksa Libohova pohoi se bëhet fjalë vetëm për një rregullim juridik dhe jo ndryshim, pasi edhe më heret e drejta televizive e superiores menaxhohej nga FSHF në emer të klubeve.
Ndryshimi i nenit për të drejten televizive të superiores është më shumë një rregullim juridik për të pasur një artikulacion më të saktë. Në fund të fundit FSHF përfaqëson 55 anëtaret e vet që ishin prezent ne Asamble dhe në emer të tyre ka negociuar edhe me parë të drejten televizive. Po të shohesh bilancin e FSHF, në një krah ne kemi një të ardhur që marrim nga e drejta televizive dhe në krahun tjetër ia shpërndajme klubeve në mënyra të ndryshme duke shtuar dicka edhe nga vetja. Më shumë ka qënë dicka mediatike, diskutimi që po monopolizojmë të drejtat televizive sesa një problem real. Materialet e mbledhjes se asamblesë pasi i miratuam ne komitetin ekzekutiv ia kemi cuar anëtareve 10 ditë përpara dhe nuk ka pasur asnjë ankese, kështu që ato që janë miratuar sot janë legjitime dhe janë bërë me koshience. Menaxhimi i te drejtes do behet ne emer te klubeve.
Libohova, njëkohësisht president i ligës profesioniste të futbollit pohoi se do të jetë pikërisht ky organ që do të menaxhoje të drejten televizive në momentin që do të marrë formë të plotë.
Edhe më përpara klubet nuk kanë marrë vendim për këtë gjë, gjithmonë e ka negociuar të drejten televizive FSHF. Ndryshe do të ndodhe kur të formohet liga profesioniste, kur ajo te jetesohet. Do të ketë besoj një periudhë tranzicioni, sepse është një kontrate e nënshkruar, do rinegociohet, janë terma që do diskutohen. Por nuk ndryshon asgjë në thelb, as përsa I takon procedueshmërisë se klubeve as rregullaritetit juridik të kësaj cështje.
