Kombëtarja shqiptare është mposhtur nga Skocia ku shpresat për fitore ishin më të mëdha. Kuqezinjtë pësuan një humbje katastrofike me rezultatin e thellë 0 me 4.
Çështja tashmë është se çdo të ndodhë me kombëtaren dhe me fatin e trajnerit Christian Panucci, i cili të paktën nga dita e djeshme nuk ka pranuar që të japë dorëheqjen.
I ftuar në edicionin e lajmeve në Vizion Plus, analisti sportiv Ermal Tahiri, theksoi se Panucci kishte kohen e duhur për të ndryshuar ekipin, pasi ne e dimë se ndryshimi nuk është vetëm me një ndeshje, por kanë kaluar 2 vjet dhe ai kishte mundësinë që të merrte dhe të ndërthurte lojtarë të rinj për tëi gërshetuar me lojtarët e vjetër që të shikonin ndryshimin.
Ndërkohë humbja e së shtunës mund të lidhet dhe me daljen me karton të kuq të kapitenit të skuadrës, një lojtor që është i qetë dhe korrekt, por me xhestin që bëri më bën të mendoj se ka një problem brenda skuadrës dhe që ato nuk kanë një komunikim të mirë me trajnerin.
Mendoj se në një gjendje të tillë të kombëtares a ndikuar dhe largimi i Ansi Agollit i Kapitetit Lorik Cana, pasi ishin lojtarë të cilët kishin një urë komunikimi me trajnerin pasi duket se tashmë kjo është një gjë e mungur në ekipit tonë.
Ndërsa pyetjes se çfarë mendon në lidhje me të ardhmen e Panuccit dhe se a janë orët e tij të fundit në krye të Kombëtares, analisti thekson se “po”, është mënyra më e mirë që do të ndodhë.
“Panucci nuk e jep dorëheqjen pasi është në varësi të presidentit të federatës, ai do të punojë ta dërgojë ekipin më përpara, këto janë kushtet për mendim tim duhet që diçka të ndryshojë, sepse ne duam që ekipi të ecë para nuk duam as panuçin as federatën, por ta shikojmë në Evropë dhe pse jo në Botëror. Unë mendoj se janë orët e tij të fundit, pasi ndryshimi vjen nga lart poshtë dhe jo anasjelltas dhe në bazë të trajnerit të ri që do të vijë, të kete një filozofi tjetër, ka ardhur koha që dhe cikli i Panuccit të mbyllet”.
