Vlora është tronditur mbrëmjen e të hënës nga një krim i rëndë, ku ka mbetur i vrarë me armë zjarri 29 vjecari Vasil Dervishaj.
Krimi ndodhi në lagjen “Pavarësia”, tek ish Kombinati i Peshkut rreth orës 23:00. persona ende të pa identifikuar kanë shtënë në drejtim të të të riut disa herë dhe janë larguar duke perfituat dhe nga errësira.
Sipas policisë viktima udhëtonte me ford me targa italiane. Në momentin e atentatit, autorët i kanë prerë rrugën dhe e kanë qëlluar me breshëri kallashnikovi. Në kohën e ekzekutimit 29 vjecari ka qenë i vetëm në makinë në duke u kthyer për në shtëpi.
29 vjecari ka mundur te dali nga automjeti i tij, por nuk ka mundur të jetojë nga plumbat që kishte marrë duke gjetur vdekjen ne afersi të makinës.
Policia mori në pyetje dëshmimtarë dhe të afërm të viktimës.
Paraprakisht dyshohet se vrasja mund të ketë ndodhur për konflikte të vjetra, por ende nuk ka asnjë gjurmë për autorët. 29-vjeçari jetonte në Vlorë dhe kishte një lokal, një pikë bastesh si dhe një magazinë me elektroshtepikae.
Hetuesit po punojnë për identifikimin e viktimës dhe zbardhjen e ngjarjes dhe identifikimin e autorëve.
Policia ngriti disa patrulla në hyrjet dhe daljet e qytetit, për të bërë të mundur ndalimin e personave që mund të jenë përfshirë në këtë ngjarje.
