Të paktën dy persona kanë vdekur pas një orteku në Alpet perëndimore të Austrisë.
Sipas raportimeve të para, në atë moment ndodheshin 17 persona. Dy persona janë shpëtuar, raporton BBC.
Anëtarët e një ekipi holandez të sporteve dimërore ishin në zonë. Megjithatë, jo të gjithë u goditën nga orteku, i cili ndodhi pranë strehës Martin-Busch, në një lartësi prej 2500 metrash.
Orteku 180 metra i gjatë dhe 80 metra i gjerë ka goditur në afërsi të fshatit Vent, pak larg kufirit italian, në provincën e Tirolit.
Kreu i shërbimeve lokale të urgjencës tha për BBC se helikopterët, ekipet e shpëtimit, ekipet e qenve dhe policia alpine ishin dërguar në vendngjarje.
Rreziku i ortekëve të rinj ishte shumë i lartë, ndaj ekipet e shpëtimit po vazhdonin kontrollet me kujdes.
Rritja e temperaturave në Tirol ka rritur rrezikun e ortekëve.
Në fillim të kësaj jave, një alpinist gjerman 19-vjeçar vdiq kur u përfshi nga një ortek pranë liqenit Achensee, në verilindje të Innsbruck./vizionplus.tv
