Dy të plagosur me thikë në Durrës/ Njeri prej tyre në gjendje të rëndë në spital

Një debat mes dy personave në Durrës përfundoi me përdorimin e thikave.

Për pasojë, të dy persoa kanë mbetur të plagosur dhe janë dërguar menjëherë në spital. Sipas policisë, njëri prej të lënduarve është në gjendje të rëndë shëndetësore.

Konflikti ndodhi në një rrugë lagjeje dhe sipas policisë, ata kanë qenë duke udhëtuar me automjetet përkatëse.

Një fërkim i vogël i makinave ka bërë që ata të shkëmbejnë sharje mes njëri-tjetrit e më pas të qëllohen edhe me thika.