Dy makina përplasen me biçikletën, plagosen tre persona në Elbasan

Tre persona kanë mbetur të plagosur këtë të dielë si pasojë e një aksidenti rrugor.

Ngjarja është regjsitruar në aksin rrugor Elbasan-Peqin, pranë fshatit Gjocaj, ku dy automjete janë përplasur me njëra-tjetrën.

Sipas policisë, si pasojë e përplasjes së automjeteve në aksident është përfshirë dhe një person që po lëvizte me biçikletë aty pranë.

Mësohet se tre personat e plagosur janë transportuar drejt Spitalit të Elbasanit, ndërsa grupi hetimor ka nisur hetimet për zbardhjen e shkakut të aksidentit.