Anulohet ndeshja e fazës paraeleminatore të Champions Leagues mes Dritës së Gjilanit dhe Linfield, ekipi kampion I Irlandës së Veriut.
Ndeshja duhet të luhej pasditen e kësaj të mafrtë në orën 18:00 në Nion të Zvicrës.
Ky vendim është marrë pasi autoritetet shëndetësore të Zvicrës në bashkëpunim me UEFA-n kanë vendosur për karantinimin e KF ‘Drita’, pasi një tjetër lojtar i kampionëve të Kosovës ka rezultuar pozitiv në testin për COVID-19.
Lojtari i cili rezultoi pozitiv, më parë kishte dalë negativ në testin e bërë më 7 gusht kur ekipi I Gjilanit hyri në Zvicër në prag të ndeshjes kundër Inter Club d’Escaldes.
Megjithatë pavarësisht kësaj një lojtar doli pozitiv dhe ky futbollist në përputhje me protokollin e UEFA-s u fut në karantinë, së bashku me një shok të skuadrës që kishte kontakt të ngushtë. Lojtari i dytë që rezultoi pozitiv kishte kontakt edhe me anëtarët e tjerë të delegacionit gjatë ditëve të fundit dhe kjo ka bërë që autoritetet zvicerane ta vendosin tërë skuadrën kosovare në karantinë.
Për këtë arsye ndeshja nuk mund të zhvillohet, thuhet në njoftimin e UEFA-s. Tani mbetet për tu parë se cfarë do të vendose Uefa në lidhje me këtë sfide, nese do të luhet në një moment të dytë apo jo.
