Dy deputetë të tjerë kanë marrë zyrtarisht mandatin në seancën plenare të kësaj të enjteje.
Artemis Dralo Malo nga PS dhe Ervis Meço nga listat e kandidatëve të PD janë dy emrat e rinj që I janë shtuar Kuvendit.
Artemis Dralo Malo ka marrë mandatin e Flamur Golemit, I cili do të kandidojë si kryebashkiak në Bashkinë e Gjirokastrës.
Ndërsa Ervis Meço, I cili vjen nga radhët e komunitetit rom do të përfaqësojë qarkun e Vlorës.
Por ajo që bie në sy është fakti se Meço ka qenë I dënuar më parë në Gjermani.
Në formularin e dekriminalizimit të depozituar pranë KQZ, Meço shprehet se është dënuar me 30 ditë burg pasi kishte përgjuar në mënyrë të paligjshme në politikanë.
Ai thotë se dënimi u konvertua gjithashtu me gjobë dhe më pas është kthyer në Shqipëri.
Me marrjen e mandatit nga dy deputetët e rinjë, numri ligjëvënësve në Kuvend ka shkuar në 122.
