Një tjetër tragjedi është shënuar në detin Egje, pasi dy anije me emigrantë siriane janë fundosur, duke shkaktuar 33 viktima. Ngjarjet e rënda kane ndodhur në brigjet e provincës Balikeshir te Turqisë, ndërsa refugjatët po tentonin për të kaluar për në Greqi. Rojet bregdetare turke vijojnë kërkimet me anije dhe helikopterë, pasi 13 persona rezultojnë te zhdukur. Më shumë se 900 mijë siriane kanë përshkruar këtë itinerar, duke kaluar në Greqi përmes Turqisë. Qindra prej tyre kanë humbur jetën në det.
