Një konflikt mes familjarësh është shënuar pasditen e sotme në Durrës, ku një 91-vjeçar dyshohet se ka goditur dhëndrin e tij 69-vjeçar me sende të forta.
Sipas njoftimit të policisë, ngjarja ndodhi rreth orës 18:00, në fshatin Xhafzotaj.
Si pasojë e ngjarjes, të dy shtetasit kanë pësuar lëndime dhe janë transportuar për të marrë ndihmë mjekësore në Spitalin Rajonal të Durrësit.
“Rreth orës 18:00, në fshatin Xhafzotaj, Durrës, shtetasi M. S., 91 vjeç, dyshohet se ka goditur me sende të forta në kokë dhëndrin e tij, shtetasin R. J., 69 vjeç.
Si pasojë e ngjarjes, të dy shtetasit kanë pësuar lëndime dhe janë transportuar për të marrë ndihmë mjekësore në Spitalin Rajonal Durrës.
Grupi hetimor ndodhet në vendngjarje dhe po punon për sqarimin e plotë të rrethanave të rastit”, thuhet në njoftim.
/vizionplus.tv
