Një 17-vjeçare, e cila ishte larguar nga banesa rreth një muaj më parë, është gjetur nga uniformat blu këtë të hënë.
Ajo u gjet në banesën e një 24-vjeçari në Durrës, me të cilin dyshohet që edhe të ketë kryer marrëdhënie seksuale.
Gjatë kontrollit në këtë banesë, policia ka gjetur rreth 400 gramë lëndë narkotike kanabis, të cilën 24-vjeçari shiste me doza në zonën e plazhit në Durrës.
Për pasojë, i riu përfundoi në prangat e policisë.
