Kreu i Prokurorisë së Posaçme (SPAK), Altin Dumani, i pranishëm në Kuvendin e Shqipërisë ku u mbajt takimi i Komisionit të Monitorimit të Këshillit të Europës, tha se institucioni që ai drejton ka sekuestruar mbi 150 milionë euro asete të ardhura nga veprimtari kriminale.
Gjithashtu Dumani ka kërkaur zgjatjen e mandatit për Prokurorët e SPAK.
Lexo edhe :
Related Posts
“Shpreh vlerësimin që Këshilli i Europës kanë dhënë për reformën e drejtësisë. Këto sfida janë themelore për shtetin e së drejtës dhe ruajtjen e besimit të qytetarëve te drejtësia. SPAK është në vijën e parë të kësaj lufte, duke ndjekur një qasje të bazuar në transparencë bashkëpunim ndërkombëtar dhe rezultate konkrete. Pavarësia institucioneve, kapacitet njerëzore dhe teknike kanë dhënë rezultate premtuese që janë përkthyer në çështje konkrete. Krahas ushtrimit të ndjekjes penale për zyrtarë të lartë, SPAK ka në fokus edhe luftën kundër krimit të organizuar, ku falë bashkëpunimit me agjenci të huaja të zbatimit të ligjit, kemi bërë të mundur të godasim grupe të ndryshme kriminale, organizata të ndryshme kriminale të përfshirë në krime të dhunshme apo trafik droge. Krahas ushtrimit të ndjekjes penale, në fokus të SPAK është edhe identifikimi dhe konfiskimi i produkteve te veprës penale si për subjekte që janë ndjekur penalisht për veprën penale të korrupsionit dhe krimit të organizuar. Nga data e krijimit të SPAk drri ditën që flasim kemi sekuestruar një total asesh 150 mln euro”, tha Dumani.
Ndërkohë për, prokurorin e Përgjithshëm Olsian Çela lufta ndaj korrupsionin nuk duhet të shihet vetëm tek disa agjenci, por si një proces gjithëpërfshirës mes disa institucioneve.
“Lufta kundër korrupsionit nuk mund të shihet si një përgjegjësi e kufizuar vetëm tek disa agjenci ligj, por një proces i gjerë e gjithëpërfshirës institucionesh përmes një koordinimi masash në kuadër të një qasje strategjike gjithëpërfshirëse”, tha Çela.
