Në një rutinë të kujdesit të lëkurës që përfshin shumë hapa, radha e aplikimit të produkteve është shumë e rëndësishme. Nga gjithë informacioni që është sot në dispozicion, ndoshta të gjithë e dimë se serumi përdoret përpara kremit. Por, kur vjen puna te radha e kremit mbrojtës të diellit dhe hidratuesit, shpesh vendosemi në dilemë se cilin të aplikojmë të parin. Dhe përgjigjja nuk është shumë e thjeshtë.
“Në përgjithësi, përbërësit ne një bllokues kimik duhet të përthithen në lëkurë në mënyrë që ata të mund të bëjnë punën e tyre,” thotë Joshua Zeichner, drejtor i kërkimit kozmetik dhe klinik në dermatologji në Spitalin Mount Sinai në New York City.
Me fjalë të tjera, i pari është kremi me faktor mbrojtës SPF. “Ju nuk dëshironi të aplikoni asgjë që do të ndërhyjë në depërtimin e tyre, si një hidratues i trashë që do të krijojë një pengesë midis lëkurës tuaj dhe SPF-së që synon ta mbrojë atë”,- thotë Zeichner.
Por jo të gjithë dermatologët janë dakord. Ekziston gjithashtu një argument që ju duhet të aplikoni SPF-në tuaj pas hidratuesit tuaj të mëngjesit, thotë Sejal Shah, një dermatologe e çertifikuar nga bordi në New York City. “Kur aplikohet krem hidratues pas kremit të diellit, ai në fakt mund të ndryshojë vetitë e kremit tuaj të diellit. Mund të ndryshojë gjithashtu mënyrën se si rrezet UV takohen me lëkurën tuaj.Çdo gjë që aplikoni sipër mund të hollojë kremin kundër diellit dhe të ndryshojë efikasitetin e tij”, – shpjegon ajo.
Megjithatë, rëndësi të veçantë ka lloji i kremit kundër diellit që përdorni. Ndërsa kremrat kimikë të diellit funksionojnë duke u zhytur në lëkurën tuaj, kremrat minerale të diellit mund t’ju bëjnë të dukeni si me shkumë nëse nuk i fërkoni mirë.
“Përbërësit e kremit të diellit që bllokojnë mineralet zënë vend në sipërfaqen e lëkurës për të larguar reflektimin e dritës UV”, shpjegon Zeichner. “Pra, nuk është aq e rëndësishme që ato të aplikohen si një shtresë e parë. Në fakt, ato mund të aplikohen si shtresa e fundit si një shtresë mbrojtëse kundër diellit.”
