Mediat belge i kanë kushtuar vëmendje mosekstradimit nga Dubai të Denis Matoshit, i njohur ndryshe si Eldi Dizdari, i arrestuar si pjesë e trafikut ndërkombëtar të kokainës.
Gjykata e Emirateve të Bashkuara Arabe vendosi që të mos bëjë ekstradimin e tij drejt Italisë.
Mediat belge i kanë kushtuar rëndësi rastit të Dizdarit, pas arrestimit në Dubai të kontrabandistit të madh të grupit të kokainës Mechelen, Farhan Bouzambou.
“Emiratet refuzuan gjithashtu të ekstradojnë bosët e mëdhenj të drogës si bosi i Camorra Rafaele Imperiale dhe mbreti i mafias shqiptare, Denis Matoshi në Itali”, shkruan De Standaard.
Mediat belge e konsiderojnë Dubain si shtëpinë e kriminelëve, ku mund të lëvizin të lirë dhe pa u ekstraduar në vendet ku kanë kryer krimet e tyre.
