Këngëtarja me origjinë shqiptare Dua Lipa, sigurisht që nuk mund të harronte festën e rëndësishme të Pavarësisë së Shqipërisë, ashtu siç nuk ka harruar asnjherë të shpreh krenarinë në botë për rrënjët e saj.
Sot përmes një postimi në rrjetet e saj sociale, Dua ka uruar Shqipërinë dhe shqiptarët për 111 vjetorin e Pavarësisë. Krahas disa fotove të flamurit kuqezi, ylli i muzikës botërore shkruan: “Gëzuar Ditën e Pavarësisë”.
Dua ka përzgjedhur të postojë edhe një foto kur ajo mori nënshtetësinë shqiptare, një vit më parë. Në 110-vjetorin e Pavarësisë, një vit më parë Dua performoi në sheshin ‘Skëndërbej’, ku mbylli edhe turin ‘Future Nostalgia’, shkruan Living.