Një çift të moshuarish janë gjetur të pajetë brenda banesë së tyre. Ngjarja e rëndë ka ndodhur në fshatin Bodrishtë në Dropull.
Të moshuarit kanë shenja dhune në trup dhe kjo ngjall dyshimet për një krim të ndodhur brenda banesës së tyre.
Lexo edhe :
Related Posts
Të moshuarit janë Kosta Ilia 84 vjeç dhe Kleoniqi Ilia 88 vjeçe.
Policia ndodhet në vendin e ngjarjes dhe po punon për zbardhjen e detajeve të krimit të rëndë.
Njoftimi i policisë
Rreth orës 08:00, janë gjetur nga fqinjët, të pajetë, në banesën e tyre në fshatin Bodrisht, shtetasit K. I., 84 vjeç dhe K. I., 88 vjeçe (bashkëshortë). Nga këqyrjet paraprake të trupave të 2 shtetasve, janë konstatuar shenja dhune, dyshohet të shkaktuara me mjete të forta rrethanore.
Gjithashtu, nga këqyrja paraprake e vendit të ngjarjes, nuk janë konstatuar thyerje të dyerve apo dritareve, si dhe në brendësi të banesës nuk janë konstatuar çrregullime të orendive.
Menjëherë pas njoftimit, shërbimet e Policisë kanë shkuar në vendngjarje dhe së bashku me grupin e posaçëm hetimor të ngritur për këtë rast, në drejtimin e Prokurorisë, po vijojnë hetimet intensive për sqarimin e rrethanave të ngjarjes./vizionplus.tv
