Policia e Delvinës goditi një rast të tentativës për kultivim të kanabisit në Delvinë.
Pas kontrolleve të bëra me dronë nga ajri në një pronë private të pyllëzuar në fshatin Fushë Verri është evidentuar një rast i tentativës për kultivim ku janë asgjësuar menjëherë disa fidanë të dyshuar kanabis.
Policia ka vënë në pranga shtetasin Y. Xh., 49 vjeç, si dhe ka shpallur në kërkim shtetasin B. Xh., 45 vjeç, të dy me banim në fshatin Fushë Verri, Delvinë, si autorë të implikuar në këtë veprimtari të paligjshme.
Ata akuzohen për veprën penale “Kultivimi i bimëve narkotike”, kryer në bashkëpunim.
