Pas basketbollit, edhe volejbolli ka marrë dritën jeshile për rifillimin e aktivitetit në parket.
Lajmi i shumëpritur është bërë i ditur sot në faqen zyrtare të Federatës së Volejbollit. Ministria e Shëndetësisë dhe Mbrojtjes Sociale ka pranuar kërkesën e federatës dhe me anë të një shkrese zyrtare shpalli vendimin.
Aktiviteti i volejbollit u ndërpre më datën 9 mars, kur u zbulua rasti i parë me COVID-19.
Shqipëria ishte i vetmi vend në rajon dhe Europë që nuk lejonte zhvillimin e lojërave me dorë./ Vizion Plus
