Anëtari i Këshillit Kombëtar në PD, Dritan Shano nuk sheh asnjë mundësi që Partia Demokratike të mos futet në Parlament në shtator.
Ai u shpreh për “Quo Vadis” në “Vizion Plus” se ky 4-vjeçar duhet të shfrytëzohet nga opozita për të bashkëpunuar me qeverinë për integrimin.
“Nuk mendoj që PD nuk do të hyjë në Parlament. Do të hyjë si çeço. Pres që ata të kontribuojnë fort në këtë dritare mundësie të madhe që është krijuar për integrimin evropian, dritarja e mundësive është tani, nëse do të shjkojmë për të hedhur ‘vicla’ në Parlament për të përfituar ndonjë gjë, do të ishte akti më antikombëtar i PD-së.”
Shano parashikoi një PD të përçarë nëse nuk sanksionohet në Statut që kush humbet zgjedhjet, largohet nga partia.
