Stuhia Dorian ka humbur fuqinë në brigjet e Floridas, por ajo që la pas në Bahamas është një katastrofë e vërtetë.
Vërshimet e ujërave kanë shkaktuar 7 viktima deri më tani.
“Nipi im ka vdekur, e pash ate vetëm dy ditë më parë më tha që më donte shumë”
Mijëra të tjerë janë ende të evakuar dhe nuk dihet se kur do të kthehen në shtëpitë e tyre të shkatërruara. Por jo të gjithë banorët e Bahamasit u evakuan kur autoritetet u bënë thirrje të braktisnin shtëpitë e tyre.
Pati nga ata që përjetuan momente tmerri dhe e vetmja gjë që u mbeti të bënin, ishtë të kërkonin ndihmë. Një nënë i kërkonte ndjekësve të saj në facebook të luten për të dhe foshnjën e saj vetëm 4 muajshe:
“I lutem të gjithëve lutuni për ne, ju lutem, fëmija im është vetëm 4 muajshe, ju lutem lutuni për ne”
Ndërsa këta të rinj duket se ishin me fat pasi u shpetuan ne mohe nga vershimet e ujrave.
“Jam e lumtur që jam gjallë”
“Shtëpia ime u përmbyt, mund të them që lartësia e ujit ishte 1 metër e gjysëm”
Ekipet e shpëtimit dhe ushtria janë ende në zonat e përmbytura për t’u ardhur në ndihmë të mbijetuarve.
Por pamjet nga ajri, tregojnë se gjithçka ka mbetur pas janë shtëpi dhe rrugë të shkatërruara, pemë të rrëzuara dhe dëmet që përllogariten të shkojnë në miliarda dollarë.
