Trump ka kritikuar në mënyrë të vazhdueshme mediat para dhe gjatë presidencës së tij. Ai i ka shpallur gazetarët si armiq të popullit. Rasti i fundit vjen pasi vajza e tij Ivanka u distancua nga kritikat e babait të saj ndaj mediave.
E pyetur në një intervistë nëse ajo mendon se mediat janë armik ajo u përgjigj prerë JO. I menjëhershëm ka qenë reagimi i presidentit amerikan Donald Trump në twitter.
DONALD TRUMP
PRESIDENT I SHBA
“Ata e pyetën vajzën time Ivanka nëse mediat janë armiku i popullit apo jo. Ajo tha jo. Ky është lajm i rremë, që është një përqindje e madhe e mediave, që është armiku i njerëzve!”
Më pas ekspertët e OKB me anë të një deklarate paralajmëruan se sulmet ndaj mediave të Presidentit amerikan Donald Trump rrisin rrezikun e dhunës kundër gazetarëve.
Në një deklaratë, ekspertë nga Komisioni Ndër-Amerikan për të Drejtat e Njeriut e quajtën strategjike dhe thanë se kritikat ndaj mediave dëmtuan lirinë e shtypit si edhe faktet e verifikueshme.
