Sekretari i Përgjithshëm i Partisë së Lirisë, Tedi Blushi, në një deklaratë për mediet tha se kreu i PL-së, Ilir Meta nuk është lejuar që të flasë pasi votoi ditën e sotme në ambientet e IEVP “Jordan Misja”.
Blushi tha se ishte dakordësuar që Meta të fliste, por kur ka dalë i veshur kuq e zi nga qelia, nuk janë lejuar gazetarët të hyjnë brenda ambienteve të votimit.
Tedi Blushi: Ilir Meta nuk është lejuar të flasë dhe të filmohet në momentin e votimit. Ishte dakordësuar prej dy ditësh me administratën e IEVP “Jordan Misja” që Meta të votonte sot në orën 10:00. Edhe sot jemi njofuar që mediat do të lejoheshin të merrnin pjesë në votimin e Ilir Metës. Kur Meta doli i veshur kuq e zi nga qelia e narko regjimit gazetarët dhe operatorët nuk u lejuan qëllimmisht të hynin në qendrën e votimit./vizionplus.tv
