Pak ditë më parë, disa foto të Kim Kardashian në plazh, ku shfaqej dukshëm trupi i saj me celulit, bënë xhiron e botës. Të gjithë u befasuan nga ato pamje pasi gjithnjë Kim na kishte treguar një tjetër imazh të saj. Pas publikimit të këtyre pamjeve ka folur mjeku i cili është “kujdesur” për të pasmet e seks-simbolit ndërkombëtar.
Dr. Ardon Rollins është shprehur se të pasmet e Kim duhet të shërbejnë si një paralajmërim për gratë. Përpara e të vendosin të bëjnë një ndërhyrje në të pasmet e tyre ai ka sugjeruar që të shohin ato foto të Kim. Në komente të ashpra, doktori shprehet se të pasmet e saj nuk janë më aq në modë, pasi pacientët vijnë dhe i kërkojnë vithe si të Kylie-t, motrës së vogël, jo si të Kim.
“Të shërbejë si një mësim për të gjithë ata që duan të zmadhojnë vithet. Nëse ke celulit para operacionit do të kesh edhe më vonë. Njerëzit duhet ta mendojnë këtë ose do të duken po aq keq sa Kim”,- shprehet ai.
“Të pasmet e saj janë shumë të mëdha, një pjesë e tyre është marrë nga beli i saj dhe janë vendosur te vithet. Problemet me shëndoshjen mbeten të tilla në çdo zonë dhe gjatë gjithë kohës, sado ndërhyrje të bësh. Mos të harrojmë se Kim ka lindur dy fëmijë dhe ka marrë dhe humbur kilogramë brenda pak kohësh. Është njësoj sikur të frysh një balonë dhe ta lësh ajrin sërish të dalë jashtë”.
Doktori nuk harron të thotë se Kim tashmë ka gjithçka kundër dhe nuk ka çfarë të bëjë, përveçse t’i zvogëlojë vithet e aj.
