Dogana bllokon 1 ton mjaltë pa dokumentacion në Kapshticë

Dega e Doganës Kapshticë ka bllokuar rreth 1 ton mjaltë, i cili nuk dispononte dokumentacionin përkatës për të vërtetuar sigurinë ushqimore të produktit.

Sasia, e destinuar për import dhe tregtim në vendin tonë, është vendosur në magazinën doganore deri në përfundimin e analizave dhe procedurave të kërkuara ligjore.

Sipas Drejtorise se Përgjithshme te Doganave, siguria ushqimore mbetet prioritet, ndërsa mbrojtja e konsumatorit dhe garantimi i standardeve në import vijojnë të jenë objektiva kryesore në kuadër të bashkëpunimit ndërinstitucional.