Një tjetër audiopërgjim i gazetarit Adriatik Doçi është publikuar nga portiali Publiklive.tv.
Në audiopërgjimin e radhës, Doçi rrëfen se si shantazhoi një kryetar të gjykatës Elbasan, i cili sipas tij merrte lekë nga grupet kriminale për të mos i penguar në aktivitetin e tyre.
Ai shton në audiopërgjim se kryetari i gjykatës u kërkonte atyre më pas edhe vajza nën moshën 18 vjeç për favore seksuale.
Doçi thotë se dispononte fakte për këtë dhe i ka bërë një shkrim, ku më pas kryetari i gjykatës i ka ardhur në zyrë dhe kokë ulur i ka kërkuar që të mos publikojë fakte të tilla, pasi ishte gjysh.
Në audiopërgjimin e publikuar nga Publiklive.tv, dëgjihet që Doçi thotë se i ka kërkuar gjyqtarit të shkojë të takojë një mik të përbashkët për tu sqaruar, pasi kishte frikë se mos përgjohej dhe donte të tregonte kujdes.
