Kryeministri Edi Rama e ka nisur ditën e sotme me pamjet nga punimet e lagjjes së re në Shijak, pas shkatërrimit nga tërmeti i 26 nëntorit.
Krahas videos së shpërndarë në “Facebook”, kreu i qeverisë shkruan se kjo lagje do të jetë një shembëlltyrë urbane e respektit dhe solidaritetit me njerëzit e zakonshëm të këtij vendi.
“Me lagjen e re të Rilindjes së Shijakut pas shkatërrimit nga tërmeti, e cila do të jetë një shembëlltyrë urbane e respektit dhe solidaritetit me njerëzit e zakonshëm të këtij vendi, që do të përfitojnë falas apartamente optimale, ju uroj një ditë të mbarë”, shkruan Rama.
