Me emërimin e dy anëtarëve të rinj të Gjykatës Kushtetuese, krijohet kuorumi i nevojshëm ligjor për rinisjen e funksionalitetit dhe veprimtarisë vendimmarrëse që pas ndërprerjes në mars të vitit 2018.

Në njoftimin e shpërndarë nga “Kushtetuesja”, theksohet se ringritja e kësaj gjykate ka qenë jetike për vendin.

“Ringritja e Gjykatës Kushtetuese ka qenë një kërkesë jetike për vendin, për shkak të rolit dhe kompetencave që ajo ka si garante e Kushtetutës dhe shtetit të së drejtës, në mbrojtje të demokracisë, lirive dhe të drejtave themelore të individit. Ky proces ka qenë i gjatë e kompleks dhe ka kërkuar bashkëpunimin e shumë institucioneve shtetërore dhe më gjerë.”

Në reagim, GJK i ka shprehur mirënjohjen edhe partnerëve ndërkombëtarë për përmbylljen me sukses të këtij procesi.

“Gjykata Kushtetuese është e angazhuar të ushtrojë funksionet me integritet dhe qëndrueshmëri për përmbushjen e misionit të saj kushtetues, duke pasur besimin e plotë të kapërcimit të sfidave që janë përpara saj, në respektim të vlerave dhe standardeve me të rëndësishme kushtetuese.

Leave a Reply

Your email address will not be published. Required fields are marked *