Dita e dytë me më pak se 300 viktima në Spanjë, spitalet “marrin frymë”

Të dhënat zyrtare që vijnë nga Spanja në  lidhje me Covid 19, janë të qëndrueshme edhe këtë të premte.

Autoritetet bënë të ditur se kemi të bëjme me 281 viktima në 24 orët e fundit, një rritje shumë e vogël në raport me ditën e enjte kur patëm 268 të vdekur.

Në total numri i personave që kanë humbur betejen me Covid 19 në Spanjë ka shkuar në 24 mijë e 824.

Nga e enjtja deri këtë të premte janë evidentuar 1175 raste të reja me koronavirus me një rritje prej 0.5% në raport me ditën paraardhëse.

Ndërkohe numri I të shëruarve ka shkuar në 114.678 .