Ish-deputeti i Partisë Demokratike, Dashnor Sula, mori zyrtarisht detyrën e Kryeinspektorit të Përgjithshëm më 9 shkurt. Ditën e sotme, ai u shfaq për herë të parë në krah të kryeministrit Edi Rama, dikur rivali i tij politik.
Në fjalën e tij, Dashnor Sula, deklaroi se ka pranuar sfidën e re me përkushtim maksimal, duke vlerësuar vizionin e Kryeministrit Edi Rama. Ai u zotua për drejtësi në vendet e punës dhe integritet moral në gjithë trupën e inspektorëve, duke theksuar rëndësinë e digjitalizimit dhe përmirësimit të dukshëm të sistemit të inspektimeve për bizneset shqiptare.
Dash Sula: Kam pranuar këtë sfidë sepse ju vlerësoj maksimalisht për vizionin që ju keni. Është e pamunduar dhe e paimagjinueshme që një demokrat, prej 20 vitesh në politikë, në një llogore tjetër që ju e thatë, ju ka kritikuar, gjuajtur me gurë qeverisë tuaj….Diferenca qëndron në një moment dhe është thelbësore, nuk kam turp ta them. Aty ku unë kam dhënë për 20 vite, kam fituar gara të paimagjinueshme gjithmonë personale, dhe garën e fundit që del i pari dhe të hedhin në rrugë, te qeveria juaj mora guximin, konkurrova, dola i pari dhe vlerësohem. Çdo demokrat duhet të besojë në këto konkurrime, të aplikojnë dhe jam i bindur që do të ketë drejtësi për fitimin e vendit të punës. Unë ju garantoj sot këtu, në ditën e parë të këtij takimi që kemi, që unë tre gjëra i kam të panegociueshme dhe që do t’i ve në zbatim.
Do të kemi përkushtimin tim maksimal gjatë 24 orëve, telefoni im do të jetë i hapur. Do punojmë të gjithë bashkë për ato detyra që ju ka keni dhënë, për detyrat që na jep ligji. Ju garantoj për integritetim tim moral dhe gjithë trupës së kryeinspektorëve dhe deri te inspektori i fundit. Nuk pretendoj që gjithçka do jetë mrekullia, por do ketë një përmirësim të dukshëm. Drejtësi, drejtësi, drejtësi do të ketë kryeministër. Do të krijojmë një frymë pozitive për biznesin dhe sfida që na ka vënë përballë kryeministri është digjitalizimi i sistemit. Ju falenderoj për besimin zoti kryeministër.
